Roberto y Elena, fundadors y alma de La Orquestina del Fabirol tenión un azidén cuan tornaba d’una autuazión que cuasi les costó a bida y los dixó prou eschafarnaus.

Pero o suyo meyo de bida, a furgoneta y una parte d’os instrumentos s’han desfeto de tot, amás d’es meses que no podrán autuar.

Roberto y Elena y La Orquestina del Fabirol en cuasi un cuarto de sieglo han troballau firme ta dignificar l’aragonés y a musica tradizional, no han aturau dando-nos tanto d’a suya bida ta que esta luenga tienga boz y mosica, y muita chen ha puisto aprender y amar l’aragonés grazias a ixe esfuerzo de tantos años, d’unas presonas entusiastas, embrecadas y bocazionals.

Ellos nos han dau muito a toz os que aimamos l’aragonés y a musica d’Aragón, agora ye l’inte de tornar-les sisquiera una miquina de tot lo que emos rezibiu, agora que han perdiu o suyo meyo de bida y tienen que cuasi tornar en empezipiar.

S’ha ubierto una cuenta de solidaridá en IBERCAJA, ta que toz es que queriaz podiaz fer un ingreso que por chicot que sía, aduye entre toz a fer una aportazión que lo menos pueda contribuyir a recuperar os instrumentos que tanto nos han feito tremolar y bailar, y aduyar una miqueta a poder crompar un auto nuevo.

A cuenta ye 2085 0175 95 03 303210-85

Queremos fer-les o millor regalo de nabidá:

A SOLIDARIDÁ DE TODA A CHEN que apreziamos tot lo que han feito por l’aragonés y a musica.

Replegaremos os fondos d’aquí ta Reyes ta fer-les ixe regalo.

Á tal fin, s’ha ubierto una cuenta solidaria en IBERCAJA  y o numero ye

2085 0175 95 03 303210-85

Toca retratar-se !!!!

O programa de radio Fendo Orella, torna a emitir-se unatra begada mas en Radio Topo.

Mosica, actualidat, contrainformazión, entrebistas… de raso en aragonés.

Nuebas bozes, nuebas seczions.

Toz os biernes de 19′00 a 20′00 oras en Radio Topo 101.8 FM

fendoorella.wordpress.com

L’Academia de l’Aragonés homenatgeja a Artur Quintana

14 Novembre, 2007 19:41

Estimau/ada amigo/a:

S’acaba de cumpllir el primer an de bida de la nuestra entidat que, coma ben sabets, ba naixer al II Congreso de l’Aragonés, feto a Zaragoza en l’estiu de 2006 y aon se ban aprobar els suyos Estatutos y se ban triar els primers miembros numerarios.
Dimpués de prinzipiar a desembolicar bells treballs de documentazión, imbestigazión, codificazión y socializazión arredol de l’aragonés y els suyos dialectos, credem que ha arribau la ora de fer un omenache a bellas personas de las més siñaleras en l’estudio, la dignificazión y la defensa de la nuestra lluenga: Nieus-Luzía Dueso, Juan José Guillén, Brian Mott, Artur Quintana y Rosario Ustáriz.

Per aixó, tos combidam a que partizipets en l’acto d’omenache que se fará el día 24 de Nobiembre, a las 12:30 h., en el Salón de Actos d’el Gobierno de Aragón (Paseyo Mª Agustín, 36, Zaragoza), a ditas personas y, dan ellas, a la lluenga aragonesa y a’ls suyos dialectos.

En Zaragoza, a 11 de Nobiembre de 2007

Manuel Castán Espot

Presidén de l’Academia de l’Aragonés

Fuen: Ligallo de Fablans Zaragoza

Muitas grazias

Maitin en o programa de radio marguin cucha, 102.8 fm zaragoza, ascuitaremos as mosicas de La Ronda de Boltaña, y sentir lo suyo zaguer disco Salud Pais, antimas de mas collas mosicals que en tienen cantas en aragones, y ta la semana benien sentiremos ixe segundo disco d’a federazion de ligallos de l’aragones, Fablans, conoxito con lo nome de A ixena 2 pero ixo ye unatra parola.

Maitin de 19.00 ta 21.00 y lo chuebes de 15.00 a 17.00

Maitin martes, en lo programa de radio Mosica y parolas ascuitaremos as mosicas de as collas mosicals que iste sabado bi seran en lo conzierto de lo cabo de año 25 Fablans.

Escomenzipiara a ras 19.30 dica ras 21.30 y lo chuebes de 15.00 a 17.00

Sientenos en Zaragoza dende 102.8 fm radio mai (radio marguin cucha) y en o rete dende:

www.radiomai.com

BUFA BUFA FABLANS!!!

O prosimo sabado 6 d’otubre tendremos a enchaquia de poder sentir y beyer dos d’as fiestas más antigas y rebindicatibas en pro d’as luengas minoritarias de l’Estau.

A partir d’as 6 d’a tardi, en o Zentro Sozial A Enrestida (callizo San Cristóbal) conoxeremos un poquet más d’a fiesta d’as Ikastolas Nabarras “Nafarroa Oinez” y a fiesta de “L’Aragonés en a Carrera”.

A una con más de 25 añadas dezaga aduyando a finanziar y socializar l’euskara en Nabarra; l’atra en l’año d’o suyo 25 Cabo d’Año, como Ligallo de Fablans, amostrando aragonés en Zaragoza y Aragón.

I contaremos con a presenzia de Peio Mariñelarena, director d’a Federación d’Ikastolas de Nabarra, y Chan Baos como representán d’a Federación de Ligallos de Fablans por l’Aragonés y uno d’os representans d’ista asoziazión con más añadas d’experienzia.

I beyeremos fotos, bella zinta y más que más experienzias que asperemos que contribuigan a fortalezer istas dos fiestas que tienen muito que amostrar.

Hola Bloggers que tal plantez?

Ta lo biernes benien o diya 28 de setiembre, somos parando una trobada de bloggers y demás bistiar d’o rete en aragonés.

S’en fará en Zaragoza capital con l’ochetibo de chuntarnos, charrar un ratet y fer unas bieras.

D’ista trobada s’aspera tamién que salga bel proyeuto conchunto d’aquers bloggers que s’animen.

Si te cuaca a ideya y quiers benir-ie, dentra en http://trobada.blogdns.net y trobarás mas informazión.

Cursos d’Aragones

Como cada añada, barias asoziazions organizan cursos d’aragones que duran d’otubre a mayo.

Inscrizions y mas informazion: 

A.C. Nogara
Carrera Gavin, 6 de Zaragoza.
Tel.: 976 390708
asoziazion@nogara-religada.org
http://www.nogara-religada.org

Ligallo de Fablans de l’Aragon’s 
Coso, 112, prinzipal cucha. 50001 Zaragoza
Tel.: 976 231299
Trestallo postal 488, 50080 Zaragoza
zaragoza@fablans.org
http://www.fablans.org 

Consello d’a Fabla Aragonesa 
Abda. d’os Danzantes, 34, baxo. 22005 Uesca
Tel.: 974 231513
Trestallo postal 147. 22080 Uesca
cfa@consello.org
http://www.consello.org

Autor: Grupo Val d’Echo
Canta: SONIANDO
(canta de cuna)

Diz que cuando la luna
brila en lo cielo,
lo sol ya se’n ye iu,
que ha muito suenio.

Amonico, amonico,
zarra ixos güellos
que yes, nirna, lo sol
que yo más quiero.

Ya acucuta la luna
en lo aposento
y dice que t’aduermas,
que no hayas miedo.

Y soniando tú chugas
con un lucero
implindo d’alegría
lo firmamento.

¡Aduerme, nirna,
que tu madri con goyo
te acuna y mima!

SOÑANDO
(cancion de cuna)

Dicen que cuando la luna
brilla en el cielo
el sol ya se ha ido
que tiene mucho sueño.

Poco a poco,
cierra esos ojos
que tienes, niña, el sol
que mas quiero.

Ya espia la luna
la habitación
y dice que te duermas
que no tengas miedo.

Y soñando tu juegas
con una luciérnaga
llenando de alegria
el firmamento.

¡Duermete niña
que tu madre con alegria
te acuna y mima!

TRADUCIDA POR SAFE.COM

PRESENTAZIÓN

ACADEMIA DE L’ARAGONÉS

EN CHISTAU

SABADO 4 de AGOSTO 2007

☻ 17.30 h. PLAN

PROYEUZIONS AUDIBISUALS EN ARAGONÉS (Casa’l Lugar) Fragmentos documentals fetos per Fernando Blas y Fernando Romanos de chen d’es lugars charrando en la suya bariedá d’aragonés. Un testimonio bibo de la chen que mantienen la luenga como forma de comunicazión en es nuestros Perineus.

☺ 19.00 h. SAN CHUAN de PLAN

PRESENTAZION ACADEMIA DE L’ARAGONÉS (Casa’l Lugar)

            -obridura con parolas d’es alcaldes

            -leuturas literarias en chistabín

            -presentazión de l’ACADEMIA DE L’ARAGONÉS

            -debate sobre la situazión y futuro de l’aragonés y del chistabín

            -bino aragonés

♫ 23.15 h. CHISTÉN

CAFÉ CONZIERTO “MOSICA Y PAROLAS” CON LA ORQUESTINA DEL FABIROL (Patio de Casa Albira)  Un conzierto acustico ta fer partache entre toz de la nuestra luenga de forma zercana, partizipatiba, y con firme chugardina, fendo orella de canzions en aragonés mientras prenén bel café u belatra bebida esflamiziaus en la terraza de Casa Albira.

Organiza:

ACADEMIA DE L’ARAGONÉS

Colaboran:

Ayuntamiento de CHISTÉN

Ayuntamiento de PLAN

Ayuntamiento de SAN CHUAN DE PLAN

Ayuntamiento de TELLA-SIN